Մինչ տարբեր երկրներում բժշկությունը փորձարկում է նոր կորոնավիրուսի դեմ
պատվաստանյութը, որի ստեղծման համար պահանջվում են ամիսներ, բժիշկներն առաջարկում են բարձրացնել իմունային համակարգը՝
որպես միակ լավագույն միջոց նոր կորոնավիրուսի դեմ պայքարում: «Victoria health
news»-ը ներկայացնում է «Healtshots.com» հնդկական
բժշկական կայքում հրապարակված հոդվածը, ըստ որի՝ հաջորդիվ ներկայացվող 5 մթերքը
կամրացնեն իմունային
համակարգը և կպաշտպանեն գրիպից, վիրուսներից
ու մի շարք այլ հիվանդություններից: Ըստ կայքի՝ նախաճաշը պետք է լինի հագեցած և, որ ամենակարևորն է, առողջ:
1. Ցիտրուսային մրգեր
Ցիտրուսային մրգերը՝ նարինջը, կիտրոնը և թուրինջը, հարուստ են վիտամին C- ով և հանքանյութերով, որոնք ամրապնդում են իմունային համակարգը և հայտնի են իրենց հակաբորբոքային և հակաօքսիդանտային հատկություններով, դրանով իսկ ապահովելով մաշկի անթերի տեսքը։ Դրանք նաև մանրաթելերի հիանալի աղբյուր են, ունեն ցածր կալորիականություն և նվազեցնում են երիկամային քարերի առաջացման ռիսկը:
2. Պապայա
Պապայան պարունակում է հակաօքսիդանտներ և ֆոտոսնուցիչներ, որոնք օգտակար են սրտի համար: Այն նաև հակաքաղցկեղային ազդեցություն ունի։ Հում պապայան օգնում է պահել արյան մեջ շաքարի մակարդակը և խոլեստերինի ճիշտ քանակությունը, հարուստ է A, B, C և K վիտամիններով, պարունակում է օգտակար հանքանյութեր, ինչպիսիք են կալիումը, կալցիումը, պղինձը և մագնեզիումը: Գիտնականները նշում են, որ պապայան կարող է նվազեցնել սթրեսը մեծահասակների մոտ և բարձրացնել իմունիտետը։
3. Կանաչ թեյ
Կանաչ թեյը ոչ միայն էներգիայի աղբյուր է, այլ նաև օգտակար է ամբողջ օրգանիզմի համար։ Այն կարող է լինել ձեր սննդակարգի անբաժանելի մասը, իր սնուցող և հակաօքսիդանտային հատկություններով օգնում է պահել արյան մեջ շաքարի մակարդակը և բարելավում է նյութափոխանակությունը: Կանաչ թեյը հարուստ է հանքանյութերով և օգնում է նիհարելուն:
4. Մածուն
Սպիտակուցներով հարուստ մածունը օգտակար է իմունիտետի համար, քանի որ այն վիտամին D-ի հիանալի աղբյուր է: Ենթադրվում է, որ այս կաթնամթերքը նվազեցնում է սրտային հիվանդությունների առաջացման ռիսկը և օգնում քաշի նվազեցմանը: Հետազոտությունները ցույց են տվել, որ մածունը պարունակում է պրոբիոտիկներ և պաշտպանում է օրգանիզմը մրսածությունից։
5. Ընկույզ և սերմեր
Նուշը, ծիրանի կորիզը, հատիկեղենը, քունջութը և արևածաղկի սերմերը հարուստ են ցինկով, մագնեզիումով և օմեգա -3-ով, որոնք ամրապնդում են օրգանիզմը: Դրանք պարունակում են A, D, E և K վիտամիններ, որոնք լուծելի են ճարպերով և օգնում են կանխել վիրուսները և պայքարում են մրսածության դեմ:
«Nutrients» ամսագրում հրապարակված ուսումնասիրության մեջ ասվում է, որ ընկույզը հարուստ է սննդանյութերով, որոնք օգտակար են սրտանոթային համակարգի և նյութափոխանակության համար։
Այս ամենից զատ, իմունիտետը բարձրացնելու և կորոնավիրուսի դեմ պայքարելու համար՝ «Healtshots.com» կայքը խորհուրդ է տալիս կիրառել քրքում, նիիմի տերևներ, սխտոր, սպանախ, կոճապղպեղ, բրոկոլի, գազար, վարսակի ալյուր և մեղր: