Ըստ «Victoria health news»-ի՝ «Medicalxpress.com» բժշկական կայքի
փոխանցմամբ Դուբլինի Trinity քոլեջի հետազոտողները
հրապարակել են զեկույց՝ «Վիտամին D-ի պակասը
և դրա հետևանքները COVID-19- ի դեմ պայքարում»: Զեկույցում նշվում է, որ վիտամին D-ն կարևոր դեր
ունի շնչառական վարակների կանխարգելման, հակաբիոտիկների օգտագործման անհրաժեշտության
նվազեցման և իմունիտետի ամրապնդման գործում:
Ինչպե՞ս է արտադրվում վիտամին D- ն
Վիտամին D-ն արտադրվում է մաշկի մեջ` օրական 10-15 րոպե արևի տակ անցկացնելով: Ամենաարդյունավետ ժամանակահատվածը մարտի վերջից մինչև սեպտեմբերի վերջ ընկած շրջանն է։ Ձմեռը նպաստավոր չէ Վիտամին D-ի արտադրման համար։ Սակայն այս պակասը կարելի է լրացնել պատշաճ սնունդ ընդունելու միջոցով։ Վիտամին D-ի բնական աղբյուր է յուղոտ ձկնեղենը (սաղմոն կամ սկումբրիա) լյարդը, ինչպես նաև այնպիսի սննդամթերքներ, ինչպիսիք են հացահատիկը և կաթնամթերքը:
Ըստ հետազոտության` 85-ից բարձր մեծահասակների 47% -ը ունի Վիտամին D-ի պակաս:
Ովքե՞ր են ռիսկի խմբում
Նրանք, ովքեր քիչ են արևի տակ անցկացնում կամ ոչ համարժեք քանակությամբ վիտամին D-ով հարստացված սնունդ են ընդունում, առավել վտանգված են, հատկապես հիմա, երբ կարանտինի հետևանքով ստիպված են մնալ տանը:
Նրանք, ովքեր տառապում են ավելորդ քաշից կամ ֆիզիկապես ակտիվ չեն
Նրանք, ովքեր ունեն ասթմա կամ թոքերի քրոնիկ հիվանդություն
Վիտամին D- ն վաճառվում է առանց դեղատոմսի: Ներկայիս ինքնամեկուսացման պայմաններում անհրաժեշտ է մեծացնել վիտամին D-ի ընդունումը։
Ո՞րն է վիտամին D- ի ընդունման չափաբաժինը
Հետազոտողները խորհուրդ են տալիս 50-ից բարձր բոլոր մեծահասակներին հավելումների տեսքով վիտամին-D ընդունել ոչ միայն ձմռանը, այլև ամբողջ տարվա ընթացքում, հատկապես նրանք, ովքեր պասիվ ապրելակերպ են վարում և քիչ են զբոսնում արևի տակ։ Կայքը հիշեցնում է, որ վիտամին D-ի պակասը հնարավոր է նաև լրացնել՝ ուտելով յուղոտ ձուկ, ձու, վիտամին D- ով հարստացված հացահատիկային սնունդ կամ կաթնամթերք։