Ամառային եղանակը, մարդու օրգանիզմի վրա բարերար դրական ազդեցության
հետ մեկտեղ, կարող է առաջացնել առողջական վիճակի տարաբնույթ խանգարումներ:
Ստորև կներկայացնենք խորհուրդներ, որոնք կօգնեն
ձեզ դիմակայել շոգին:
Խուսափե՛ք արևի ուղիղ ճառագայթներից` հատկապես
ժամը 12:00-ից 17:00-ն մի մնացեք դրսում,
հնարավորինս պաշտպանվե՛ք ուլտրամանուշակագույն ճառագայթումից` կրելով գլխարկ,
արևային ակնոց, հովանոց, հագնել սպիտակ կամ բաց երանգների ազատ, օդաթափանց, ցանկալի
է բամբակյա կտորից հագուստ,
օգտագործե՛ք սովորականից շատ հեղուկներ (օրական
շուրջ 3 լիտր), հատկապես ջուր, թան, առանց շաքարի բնական հյութեր և թեյ։ Սրտանոթային կամ միզասեռական համակարգի հիվանդություններ
ունեցող անձինք հեղուկներ պետք է ընդունեն իրենց բուժող բժշկի հետ խորհրդակցելուց հետո,
ցանկալի է հրաժարվե՛ք կծու, յուղոտ կերակուրներից,
նախընտրեք ավելի թեթև, դյուրամարս սնունդ, օգտագործեք շատ մրգեր և հում բանջարեղեն,
չչարաշահեք կոֆեին և շաքար պարունակող ըմպելիքները`
թե տաք, թե սառը վիճակում,
անհրաժեշտ է ամենօրյա աշխատանքները կատարեք օրվա համեմատաբար զով ժամերին, ցերեկային ամենաշոգ
ժամերին խուսափել բացօթյա տարածքում ծանր ֆիզիկական աշխատանքից: