Նորություններ Հայաստանի առողջապահության, բժշկական կենտրոնների, բժիշկների եւ հայ բժշկության մասին


Որո՞նք են սրտի համար վտանգավոր մթերքները. ներկայացնում են սրտաբանները

Որո՞նք են սրտի համար վտանգավոր մթերքները. ներկայացնում են սրտաբանները

2021-01-08

Ճիշտ սննդակարգը կարող է օգնել պահպանել սրտի առողջությունը

   «Սրտի աշխատանքի համար օգտակար մթերքները պարունակում են սննդարար նյութեր, որոնք նպաստում են սրտանոթային համակարգի նորմալ գործունեությանը և նվազեցնում են սրտի հիվանդությունների զարգացման ռիսկը՝  իջեցնելով ՑԽԼՊ-ի՝ «վատ»  խոլեստերինի եւ արյան մեջ եռգլիցերիդների մակարդակը, արյան ճնշումը, կարգավորում են մարմնի քաշը եւ  բարելավում ինսուլինի հանդեպ զգայունությունը»,- ըստ «Victoria health news»-ի՝  այս մասին հայտնում է  «Essential Nutrition for You»-ի սեփականատեր եւ «One diet»-ի հեղինակ Ռանիա Բաթայնեն։

   Omega-3, կալիում, կալցիում, մագնեզիում, սպիտակուցներ եւ հակաօքսիդանտներ պարունակող մթերքներով հարուստ սննդակարգը ամենաճիշտ ձևն է սրտի առողջական խնդիրներ ունեցող մարդկանց և առհասարակ բոլոր նրանց համար, ովքեր ձգտում են պահպանել կամ բարելավել սրտի առողջությունը:

   Գիտությունը հաստատում է ենթադրությունը, ըստ որի՝ չմշակված հացահատիկեղենի, ընկուզեղենի եւ լոբազգիների, ինչպես նաեւ կաթնամթերքի փոքր քանակությամբ եւ սրտի համար օգտակար ճարպերի պարունակությամբ ճաշացանկը կարող է սրտանոթային հիվանդությունների զարգացման ռիսկը նվազեցնել մոտ մեկ երրորդով, ըստ 2016 թվականի հետազոտության, որը հրապարակվել է սրտաբանության ամերիկյան քոլեջի ամսագրում:

 Որո՞նք են սննդաբանների կողմից   արգելվող  սննդատեսակները

    Ներկայացնում ենք սրտի համար ամենավտանգավոր սննդատեսակների ցանկը, որոնք մենք բոլորս գնում ենք մոտակա սուպերմարկետից կամ արագ սննդի կետերից

  • Վերամշակված մսային խորտիկներ
  • Հոթ Դոգ
  • Հավի գրիլ
  • Կետչուպ
  • Խորովածի սոուս
  • Աղ
  • Վերամշակված ճարպերի հիմքով աղցանների համար նախատեսված սոուսներ
  • Ճարպային վերամշակում անցած, փաթեթավորված նախուտեստներ, քաղցրավենիքներ
  • Գետնանուշի յուղազրկված կարագ
  • Քաղցր ապուրներ
  • Կաթին փոխարինող այլ մթերքներ
  • Հավի տապակած խորտիկներ
  • Կարտոֆիլի  ֆրի
  • Կարտոֆիլի չիպսեր
  • Մրգային սմուզիներ  շաքարավազի բարձր պարունակությամբ
  • Կանաչ հյութեր շաքարավազի բարձր պարունակությամբ
  • Պահածոյացված ապուրներ
  • Պահածոյացված բանջարեղեն
  • Թթու դրած կապերսներ
  • Մրգային համով յոգուրտներ
  • Գրանոլա
  • Սուրճի հիմքով տարատեսակ ըմպելիքներ
  • Սերուցքային կրեմ
  • Մարգարին
  • Խմորեղեն
  • Կրուասաններ
  • Որոշ տեսակի սառեցված նախուտեստներ
  • Շոկոլադե էներգետիկ բատոններ
  • Կարմիր կիսաեփ միս
  • Սպիտակ հաց
  • Սպիտակ բրինձ
  • Սպորտային ըմպելիքներ
  • Էներգետիկ ըմպելիքներ
  • Գազավորված ըմպելիքներ
  • Գազավորված դիետիկ ըմպելիքներ
  • Պիցա
  • Քաղցր կոնֆետ
  • Ալկոհոլ

   Ձեր սննդակարգի հանդեպ եղե՛ք ուշադիր, քանի որ  սնվելու ձևն ազդում է սրտի աշխատանքի վրա։


Բժշկական Նորություններ