Առողջապահության նախարարի ժամանակավոր պաշտոնակատար Անահիտ Ավանեսյանը և «Սուրբ Գրիգոր Լուսավորիչ» ԲԿ-ի տնօրեն Արման Հովակիմյանը լրագրողներին ներկայացրեցին բժշկական կենտրոնի վերանորոգված և վերազինված ախտորոշիչ բաժանմունքը:
Տնօրեն Արման Հովակիմյանն իր խոսքում նշեց, որ Սուրբ Գրիգոր Լուսավորիչ ԲԿ-ը վերապոֆիլավորվել է որպես կորոնավիրուսային վարակի դեմ պայքարող կենտրոնի 2020 թ-ի ապրիլի 2-ին և մինչ այժմ էլ իրականացնում է COVID-19 ախտորոշված պացիենտների բժշկական օգնությունը:
Ի՞նչ աշխատանքներ են արվել «Սուրբ Գրիգոր Լուսավորիչ» ԲԿ-ում
Շահագործման է հանձնվել 40 մահճակալով նոր վերակենդանացման բաժանմունքը, հիմնանորոգվել և կահավորվել է 9 վիրահատարան, ախտորոշիչ բաժանմունքը համալրվել է ամբողջությամբ թվային հեռակառավարվող ռենտգենոգրաֆիկ և ֆլյուորոսկոպիկ համակարգով, ստացիոնար թվային ռենտգեն համակարգով, COVID-19-ի կենտրոնացված լաբորատոր հետազոտություններ իրականացնելու նպատակով լաբորտաորիան հագեցվել է հավելյալ արյան գազերի և էլեկտրոլիտների ավտոմատ վերլուծիչով, հագեցվել մանրէաբանական և ՊՇՌ իրականացնող սարաքավորումներով, ձեռք է բերվել 25 նոր հեմոդիալիզի սարքավորում:
Ախտորոշիչ կենտրոնը կենտրոնացված է առաջին հարկում, որն, ըստ տնօերնի պացիենտի համար ավելի հարմարվետ է:
Կորոնվիրուսային իրավիճակը Հայաստանում
Առողջապահության նախարարի ժամանակավոր պաշտոնակատար Անահիտ Ավանեսյանը ներկայացրեց կորոնավիրուսային իրավիճակը Հայաստանում: Նա նշեց, որ նկատվում է թվերի մի փոքր աճ, իսկ առաջիկայում, աշնան առաջին կեսին, սպասվում է նոր ալիքի վտանգ:
Անդրադառնալով Հայաստանում Դելտա շտամի առկայությանը , ասաց որ թեև այս պահին Դելտա շտամի նմուշ արձանագրված չկա, բայց համաճարակային հետազոտությունը ցույց է տալիս, որ, իհարկե, Հայաստանում էլ այն շրջանառվում է, քանի որ մենք ունենք բաց օդային սահման և՛ Ռուսաստանի, և՛ Վրաստանի հետ, որտեղ Դելտա շտամը հայտնաբերված է:
Ներկայացնելով պատվաստումային իրավիճակը, ասաց, որ ամեն ինչ անում են բարձրացնելու պատվաստել ցանկացողների քանակը: Հարցին՝ արդյոք առաջիկայում պատվաստվելը կդառնա պարտադիր, առողջապահության նախարարի պաշտոնակատար Անահիտ Ավանեսյանն ասաց, որ ոչ թե պարտադիր, այլ խրախուսելի.
«Մենք ևս հետաքրքիր գործիքակազմ ենք մտածել և ուշադրությունը ավելի դեպի մշակույթ ենք ուղղել, շուտով պատվաստվողները վիճակահանությամբ կունենան թատրոնների, օպերայի, մշակութային միջոցառումների մասնակցության տոմսեր, որովհետև կարծում ենք հանրային տեղեկատվությունը բարձրացնելու համար պետք են այսպիսի խրախուսական միջոցառումներ»:
Առողջապահության նախարարությունն այս պահին մշակում է այդ սահմանափակումների փաթեթը, որը կներկայացվի օգոստոսի 2-րդ կեսին: