Ինչպե՞ս բուժել զարկերակային գերճնշումը
-Եթե ախտորոշվել է զարկերակային գերճնշում, ապա բժիշկը կարող է նշանակել որոշ քննություններ, ինչպիսիք են՝ էլէկտրասրտագրությունը, արյան քննություն՝ երիկամների աշխատանքը ստուգելու համար, խոլեստերինի և գլյուկոզայի մակարդակը, ինչպես նաև մեզի քննություն՝ սպիտակուցի առկայությունը գնահատելու համար:
Կարելի է արդյոք իջեցնել արյան ճնշումն առանց դեղորայք ընդունելու
- Ապրելակերպը փոփոխելով կարելի է հասնել նշանակալի բարելավման, որը կօգնի որոշ մարդկանց խուսափել դեղորայքի ընդունումից: Կարևոր է նվազեցնել մարմնի զանգվածը, եթե առկա է գիրություն, մինիմումի հասցնել կերակրի աղի քանակությունը սննդի մեջ և կանոնավոր մարզվել:
Ի՞նչ անել, եթե կարիք կա բուժել զարկերակային գերճնշումը դեղորայքի օգնությամբ
-Գոյություն ունեն զարկերակային գերճնշումը կարգավորող բազմաթիվ դեղորայքներ: Ձեր բժիշկը պետք է ընտրի թիրախային դեղորայք կամ դեղորայքային կոմբինացիա՝ ձեր խնդրին համապատասխանող: Եթե ինչ որ պատճառով առաջանում են կողմնակի երևույթներ, ապա առկա են բազմաթիվ այլընտրանքներ: Զարկերակային գերճնշման բուժումը նշանակվում է երկարաժամկետ և կուրսային բնույթ չի կրում:
Հարցերին պատասխանեց սրտաբան Տաթևիկ Հովակիմյանը: