Ալերգիկ ռինիտ
2022-07-18 Ալերգիկ ռինիտը քթի լորձաթաղանթի ալերգիկ բորբոքում է և համարվում է ամենահաճախ հանդիպող ալերգիկ հիվանդություններից:
2022 թ-ի տվյալներով՝ աշխարհի մեծահասակների 10-ից 30 տոկոսը և երեխաների 40 տոկոսն ունի ալերգիկ ռինիտ:
Տարածված ախտանշաններն են՝
- Քթահոսություն
- Փռշտոց
- Քթի փակվածություն
- Քոր քթի մեջ
- Երբեմն՝ կոկորդում քերոցի զգացում
- Արցունքահոսություն
- Աչքերի քոր, կարմրություն
Ալեգիկ ռինիտի առաջացման պատճառները միջավայրում գտնվող շնչառական ալերգեններն են՝ ծառերի, խոտաբույսերի, մոլախոտերի ծաղկափոշին, բորբոսասնկերը և այլն:
Առանձնացվում են ալերգիկ ռինիտի երկու տեսակ՝ սեզոնային և շուրջտարյա ալերգիկ ռինիտներ:
Հիվանդության կանխարգելման ապացուցված եղանակներ չկան: Չնայած տհաճ ախտանշաններին՝ ալերգիկ ռինիտն ունի արդյունավետ բուժում: Նշենք, որ հիվանդության բուժմամբ զբաղվում է ալերգոլոգը:
