Մայրական կաթը լավագույն սնունդն է մանկան համար
2022-08-09ԱՀԿ-ն և ՅՈՒՆԻՍԵՖ-ը խորհուրդ են տալիս երեխային բացառապես կրծքով կերակրել առաջին 6 ամիսների ընթացքում, որից հետո՝ մինչև 2 տարեկանը և դեռ ավելին, փոքրիկները պետք է շարունակեն սնվել կրծքի կաթով՝ սննդակարգում ներառելով այլ սննդարար և անվտանգ կերակուրներ ևս:
Կրծքով չկերակրվող փոքրիկների համեմատ կրծքով կերակրվող փոքրիկների մահը 14 անգամ քիչ հավանական է:
Ձեզ ենք ներկայացնում կրծքով սնուցման առավելությունները երեխայի համար՝
- Դրական է ազդում երեխայի զարգացման և վարքագծի վրա,
- Նվազեցնում է գաստրոէնտերիտների և փորլուծության ռիսկը,
- Իջեցնում է միջին օտիտի զարգացման ռիսկը,
- Իջեցնում է անհասների նեկրոտիզացնող էնտերոկոլիտի
(ՆԷԿ) ռիսկը,
- Նվազեցնում է շնչառական համակարգի հիվանդությունների,
թոքաբորբերի ռիսկը,
- Իջեցնում է մանկան հանկարծամահության համախտանիշի
ռիսկը,
- Նվազեցնում է հոսպիտալացումների ռիսկը,
- Իջեցնում է 1-ին տիպի շաքարային դիաբետի ռիսկը,
- Նվազեցնում է կարիեսի առաջացման հավանականությունը,
- Իջեցնում է մանկական տարիքում ավելցուկային քաշի
և ճարպակալման ռիսկը,
- Բարելավում է տեսողությունը:
Կյանքի առաջին վեց ամիսների ընթացքում երեխային
կերակրե'ք բացառապես կրծքով: Այդ ժամանակահատվածում կրծքի կաթն այն ամենն է, ինչի կարիքն
ունի երեխան, և պետք չէ նրան լրացուցիչ ջուր, սամիթի ջուր, թեյ, հյութեր կամ այլ հեղուկներ
տալ, անգամ շոգ եղանակին:
