Պարզվել է, որ չբալանսավորված սնունդ ստացած մկների սերունդը նյարդաբանորեն «ծրագրավորված» է ճարպակալման
2020-09-12Հիրոսիմայի համալսարանի հետազոտողների կողմից արված ուսումնասիրությունների համաձայն , հղի մկները, որոնց տրվել է Oմեգա-6 ճարպի բարձր պարունակությամբ եւ Oմեգա-3 ճարպի ցածր պարունակությամբ չբալանսավորված սնունդ, գերկալորիական սնունդի հանդեպ հակում ունեցող սերունդ են տվել, ըստ «Victoria health news»-ի՝ այս մասին գրում է ամերիկյան «Medical Xpress» առողջապահական կայքը։
Ո՞ր սննդում է առկա Օմեգա 6 և Օմեգա 3
Օմեգա-6 ճարպեր առկա են խաղողի, եգիպտացորենի եւ քունջութի յուղերում եւ լայն կիրառություն ունեն համաշխարհային խոհանոցում, հատկապես աղցանների մեջ։ Օմեգա-3 ճարպեր առկա են ձկան, պերիլայի եւ կտավատի յուղերի մեջ: Այս ճարպերի պարունակությամբ բալանսավորված սնունդը համարվում է ուղեղի առողջ զարգացման անհրաժեշտ նախապայմաններից։
Հետազոտողները նաեւ պարզել են, որ ներարգանդային զարգացման փուլում մկների ապագա սերնդի մոտ ուղեղի կենտրոնական հատվածում նկատվում է դոպամին արտադրող նեյրոնների աճ։ Նրանք կարծում են, որ բարձր Օմեգա-6 / ցածր Օմեգա-3 չբալանսավորված սննդակարգի ազդեցությունը հղիության որոշակի ժամանակահատվածում մեծացնում է պտղի ուղեղում դոպամին արտադրող նեյրոնների աճը, դրանով իսկ ապագա սերնդին ծրագրավորելով ճարպակալման և հետագա ողջ կյանքի ընթացքում առաջացնում հակում՝ ճարպոտ սնունդի հանդեպ։ Միևնույն ժամանակ, այն մկները, որոնց մայրերին հղիության ընթացքում չբալանսավորված Օմեգա -6 / Օմեգա -3 սննդակարգ չի տրվել, շատակերության վարքագիծ չեն ցուցաբերել։
Սկսած 1960-ական թվականներից, Արեւմտյան սննդակարգը հագեցավ Օմեգա-6 և Օմեգա-3 ճարպերի խիստ մեծ չափաբաժիններով, ինչը նախկինում երբեք չէր եղել։
Մկների մոտ չբալանսավորված Օմեգա-6 / Օմեգա-3 սննդի կիրառումը ապագա սերունդների մոտ հանգեցնում է ուղեղի թերզարգացման
Այս երկու տեսակի ճարպերի միջեւ հարաբերակցությունը կարեւոր է, քանի որ կենսաքիմիական առումով նրանք մրցակցում են միմյանց հետ բջջաթաղանթներում ընդգրկվելու համար, իսկ Օմեգա-6/Օմեգա-3-ի անհավասարակշռությունը արյան կարմիր բջիջների թաղանթներում փոխկապակցված է քաշի ավելացման հետ: Մկների վրա ավելի վաղ արված ուսումնասիրությունը ցույց է տվել, որ հղի մոր դեպքում չբալանսավորված Օմեգա-6 / Օմեգա-3 սննդի կիրառումը նրա ապագա սերունդների մոտ հանգեցնում է ուղեղի թերզարգացման։
Կառավարելով հղիների սննդակարգը՝ հնարավոր կլինի երեխաների մոտ կանխել ճարպակալումը
Գիտնականները շեշտում են, որ Օմեգա-6 եւ Օմեգա-3 ճարպերի հարաբերակցությունը մկների սննդակարգում շատ ավելի բարձր է, քան մարդկանց, ըստ նախկինում արված փորձարկումների: Այս ուսումնասիրությունը հնարավորություն է տալիս մարդկանց վրա հետագա համաճարակաբանական հետազոտությունների միջոցով պարզել, թե արդյոք այս մոդելը մարդկանց դեպքում ևս աշխատում է:
Եթե պարզվի, որ դա այդպես է, ապա հետազոտողները հնարավորություն կունենան երեխաների մոտ ճարպակալումը կանխելու նոր ռազմավարություն մշակել՝ կառավարելով հղի մայրերի սննդակարգում ճարպերի տեսակները։
