Բեռնի համալսարանական հիվանդանոցի՝ Inselspital- ի և Բեռնի համալսարանի կողմից ղեկավարող հետազոտական խումբը գտել է կապ վիրահատությունից հետո վարակների դեպքերի և որակյալ աուդիտի արդյունքների միջև, ըստ Victoria Health News-ի, այս մասին հայտնում է medicalxpress.com գիտական կայքը։
Վիրահատարաններում վարակների դեպքերի ցածր մակարդակը փոխկապակցված է աուդիտի ցածր միավորների հետ: Այլ կերպ ասած, առավել մանրակրկիտ ուսումնասիրելիս վարակի ավելի շատ դեպքեր են գրանցվում։ Այս խնդրի շտկման համար տարբեր առաջարկություններ են արվում:
Վիրահատությունից հետո վիրահատարաններում գրանցված վարակների դեպքերի հաճախակիությունը հիվանդությունների տարածման տեսանկյունից բուժհաստատությունների համար որակի կարևոր ցուցանիշ է: Եվրոպական վեց երկրներից հավաքագրված տվյալների հիման վրա 2017 թվականին հրապարակված ակնարկը ցույց տվեց, որ բարձրացել են վիրահատության արժեքները, իսկ որոշ դեպքերում` զգալիորեն նվազել են դրանց արդյունքները` ըստ SSI-ի (Սոցիալական ապահովության տեղեկատվական կենտրոնի) ներկայացրած տվյալների։ Հետևաբար, Հիվանդությունների վերահսկման եվրոպական կենտրոնը (ECDC) և ԱՄՆ-ի իշխանությունները սահմանել են չափանիշներ` մեկ ընթացակարգով վիրահատարաններում ինֆեկցիաների դեպքերի գրանցման և փաստաթղթավորման համար: Այս չափանիշների հիման վրա Swissnoso-ն թողարկել է պարտադիր ուղեցույցներ Շվեյցարիայի համար: Ուսումնասիրությամբ պարզել է, թե որքանով է վիրահատարանների ախտահարման հաճախականությունը փոխկապակցված շվեյցարական հիվանդանոցներում ստուգումների արդյունքների հետ:
Ուսումնասիրությամբ պարզել է, որ հստակ կապ կա վիրահատարաններում վարակման ցածր մակարդակի և տեղում որակի ստուգումների (աուդիտի գնահատման) արդյունքների միջև: Որքան բարձր է հիվանդանոցի գնահատականը 50 բալանոց թեստում, այնքան ավելի շատ վարակների դեպքեր են հայտնաբերվել կամ հաղորդվել: Ուսումնասիրության գլխավոր հեղինակ Էնդրյու Աթկինսոնը նշում է․ «Ուսումնասիրությունը ցույց է տալիս, որ վիրահատարաններում գրանցված վարակների դեպքերը մեկնաբանելիս պետք է համակարգված կերպով հաշվի առնել վերահսկողության համապատասխան օղակների որակը՝ անկախ վիրահատության տեսակից և վարակի մակարդակից»:
Ուսումնասիրությամբ վերլուծվել է թվով 81 957 ազդրի և ծնկի վիրահատություն 125 հիվանդանոցներում և 33 315 կոլոռեկտալ վիրահատություններ 110 հիվանդանոցներում: Հսկողության որակը գնահատելու համար յուրաքանչյուր հիվանդանոցում իրականացվել է երկու արտաքին աուդիտ: Մանրակրկիտ աուդիտի արդյունքները դասակարգվել են 1-ից մինչև 50 ընդհանուր միավորով: Ստուգումներն իրականացվել են հատուկ պատրաստություն անցած երեք քննիչների կողմից, և պարզվել է, որ վարակի դեպքերի ավելի բարձր մակարդակը փոխկապակցված է աուդիտի ավելի բարձր գնահատականների հետ: Դիտարկումները ցույց են տվել նաև հիվանդանոցների տեսակների շրջանում գնահատականների զգալի շրջանակ․ մասնավոր հիվանդանոցները ունեին աուդիտի ցածր գնահատականներ եւ վարակների ավելի ցածր ցուցանիշներ:
Ինչպե՞ս շտկել համակարգային սխալը
Հետազոտական թիմը հատուկ առաջարկ է ներկայացրել հետագա գնահատման և վիրահատարաններում վարակների տարածման՝ ազգային մակարդակով համեմատություններ իրականացնելու համար: Քննարկումների համար առաջարկվել է «հաշվարկների ճշգրտումը և աուդիտի արդյունքի ներառումը» թեման: