COVID-19-ի դեմ պատվաստանյութերի պաշարների պակասը շարունակվում է
Մինչ ԱՄՆ-ում ամեն օր միլիոնավոր ամերիկացիներ են պատվաստվում, ամբողջ աշխարհում COVID-19-ի դեմ պատվաստանյութերի պաշարների պակասը շարունակվում է: Փորձագետների գնահատմամբ, ցածր ռեսուրսներ ունեցող երկրներում մարդկանց 80 տոկոսը 2021 թվականին պատվաստանյութ չի ստանա: Այս մասին, ըստ «Victoria health news»-ի, հայտնում է «New England Journal of Medicine» գիտական ամսագիրը:
Վերլուծական հոդվածում փորձագետները շեշտում են առողջապահական ծառայությունները ոչ թե որպես շուկայական, այլ որպես հանրային ապրանքանիշ դիտարկելու անհրաժեշտությունը․ ԱՄՆ բնակիչներին և ԱՄՆ-ի հարևան երկրներին վիրուսից պաշտպանելու համար՝ նրանք դաշնային կառավարությանը կոչ են անում մեծացնել պատվաստանյութերի բաշխման գլոբալ ջանքերը:
«Միացյալ Նահանգների կողմից պատվաստանյութերի վաղ հայտարարված գնումների գործընթացը և բարձր ռեսուրսներ ունեցող այլ երկրների կողմից պատվաստանյութերի ձեռքբերումը ենթադրում էր, որ յուրաքանչյուր երկիր լիարժեք պատասխանատվություն է կրելու իր բնակչությանը պատվաստելու համար», - գրում են հեղինակները: Վերջիններիս կարծիքով, պատվաստանյութերի սեփականացման նման գործընթացը ամրապնդում է հզոր երկրների դիրքերը պակաս հարուստ պետությունների հաշվին. նման գործընթացը կարճատև է, ոչ արդյունավետ և մահացու վտանգներ է պարունակում:
Ցածր և միջին եկամուտ ունեցող երկրների բնակչության 20 տոկոսը կպատվաստվի մինչև 2021 թ-ի ավարտը
COVID-19 պատվաստանյութերի (COVAX) գլոբալ հասանելիության միջոցով ԱՄՆ-ն և G7-ի երկրները պարտավորվել են պատվաստել ցածր և միջին եկամուտ ունեցող մասնակից երկրների բնակչության առնվազն 20 տոկոսին մինչև 2021 թվականի ավարտը: Սակայն սա շատ ցածր թիվ է բնակչությանը վիրուսից պաշտպանելու համար և էապես բարձրացնում է նոր վիրուսային տարբերակների առաջացման հավանականությունը:
Հիմնվելով ՄԻԱՎ-ի համաճարակի հետևանքով ստացված դասերի վրա, երբ ցածր ռեսուրս ունեցող երկրներից շատերին, որոնք ի վիճակի չէին փրկելու բնակչության կյանքերը, տրամադրվեցին համապատասխան բուժման մեթոդներ, հեղինակները պնդում են, որ ԱՄՆ կառավարությունը պետք է ներդրումներ կատարի պատվաստանյութերի հասանելիության և բնակչության օգնության նախագահի արտակարգ ծրագրում (PEPVAR): Որպես Նախագահի՝ ՁԻԱՀ-ի դեմ պայքարի 2003 թվականի արտակարգ ծրագրի (PEPFAR) ենթածրագիր, այն կընդլայնի պատվաստանյութերի մատակարարումը ցածր եկամուտ ունեցող երկրներում՝ COVAX- ի ստանձնած պարտավորությունների շրջանակում գոյություն ունեցող ռազմավարությունների հիման վրա:
ԱՄՆ-ն կարող է լուծել COVID-19-ի նետած մարտահրավերը
«ԱՄՆ-ը հազվագյուտ հնարավորություն ունի COVID-19 պատվաստանյութերը բոլոր երկրներին հասանելի դարձնելու համար», - գրում են հեղինակները:
Հեղինակների համոզմամբ, ներդրումներ կատարելով բազմաբնույթ շահագրգիռ ծրագրերում և օգտագործելով ռեսուրսների բաշխման գլոբալ ռազմավարությունը, որը մեծացնում է պատվաստանյութերի արտադրությունը և դրանց մատակարարման չափսերը, ԱՄՆ-ն կարող է լուծել COVID-19-ի նետած մարտահրավերը՝ կառուցելով ապագայի առողջապահական ենթակառուցվածքներ և համակարգեր: