Վիտամին D և COVID-19. ի՞նչ պետք է իմանալ
2021-09-03Վերջին մի քանի ուսումնասիրությունները ցույց են տվել, որ վիտամին D-ի հավելումները կարող են օգնել պաշտպանվել COVID-19- ից:
«Victoria health news»-ը ներկայացնում է Նյու Յորքի Ալբերտ Էյնշտեյնի անվան բժշկական քոլեջի, Չիկագոյի և Բրիստոլի համալսարանների գիտնականների կողմից իրականացված ուսումնասիրությունները:
Նյու Յորքի Ալբերտ Էյնշտեյնի անվան բժշկական քոլեջ
Ա. Էյնշտեյնի անվան բժշկական քոլեջի հետազոտողները պարզել են, որ COVID-19- ով հոսպիտալացված հիվանդների մոտ, ովքեր վիտամին D-ի պակաս են ունեցել, մահացության ռիսկն ավելի բարձր է եղել։ Բացի այդ, եթե նրանք ստանային վիտամին D-ի հավելումներ շաբաթական 1000 միավորից ոչ պակաս, այդ հիվանդներին շնչառական ապարատին միացնելու կարիք ավելի քիչ կլիներ։
Գիտնականները հետազոտել են վիտամին D-ի պակաս ունեցող թվով 124 չափահաս հիվանդի, ովքեր մինչ COVID-19- ով վարակվելը վերահսկողության տակ են եղել շուրջ 90 օր։ Թիմը պարզել է, որ վիտամին D-ի հավելումներ ընդունած հիվանդներին շնչառական ապարատին միացնելու կարիք ավելի քիչ է եղել, մահացության ռիսկը ևս կրճատվել է:
Նրանք նշել են, որ այն հիվանդները, ովքեր ունեն վիտամին D-ի պակաս, պետք է վիտամին D-ի հավելումներ ստանան ոչ միայն ոսկորների առողջության, այլև COVID-19-ի ծանր տեսակներից պաշտպանվելու համար:
Չիկագոյի համալսարան
Չիկագոյի համալսարանի կողմից իրականացված հետազոտության ընթացքում գիտնականներն ուսումնասիրել են ավելի քան 3000 հիվանդի տվյալ, ովքեր ստուգել էին իրենց մոտ վիտամին D-ի մակարդակը COVID-19- ի թեստ հանձնելուց առաջ 14 օրվա ընթացքում: Պարզվում է, որ երբ խոսքը վերաբերում է COVID-19- ին, վիտամին D- ի այն նիշը, որը համարվում է բավարար, կարող է նվազեցնել վարակվելու վտանգը, ինչպես նաև օրգանիզմում վիտամին D-ի ավելի ցածր մակարդակ ունեցող մարդկանց մոտ COVID-19- ով դրական թեստավորման հավանականությունը 2,64 անգամ ավելի բարձր է եղել, քան վիտամին D-ի ավելի բարձր մակարդակ ունեցող մարդկանց մոտ: Այս ուսումնասիրությունը ցույց է տալիս, որ վիտամին D- ի դեֆիցիտը (0.02 մլգ-ից պակաս) կարող է մեծացնել COVID-19-ով վարակվելու ռիսկը:
Բացի այդ, վերջերս մեկ այլ հետազոտությամբ պարզվեց, որ COVID-19 ախտորոշված հիվանդների ավելի քան 80% -ը տառապում է վիտամին D- ի դեֆիցիտով:
Բրիստոլի համալսարան
Բրիստոլի համալսարանի կողմից իրականացված հետազոտության արդյունքում գիտնականները պարզել են, որ վիտամին D-ի հավելումները ( ինչպես նաև K և A վիտամինները) կարող են կապվել վիրուսային սպիտակուցի հետ և այդպիսով նվազեցնել SARS-CoV-2-ով վարակվելու ռիսկը:
Իսկ ո՞ր վիտամին D- ն է ամենալավը առողջության համար
Կան վիտամին D- ի մի քանի տեսակներ: D վիտամինի առաջարկվող ձևը վիտամին D3 կամ խոլեկալցիֆերոլն է: Դա վիտամին D- ի բնական ձևն է, որն օրգանիզմը կարող է սինթեզել արևի լույսից: Վերջին հետազոտությունները ցույց են տվել, որ վիտամին D2- ը (էրգոկալցիֆերոլ) նույնքան լավ ազդեցություն ունի, որքան վիտամին D3- ը:
D2 և D3 վիտամինները տարբերվում են միմյանցից՝ կախված սննդի աղբյուրներից: Վիտամին D3- ը առկա է միայն կենդանական ծագման սննդի մեջ, մինչդեռ D2- ը հիմնականում բուսական ծագման աղբյուրների և հարստացված սննդի մեջ է առկա:
Գիտնականները պարզել են, որ D2 և D3 վիտամինները հավասարազոր չեն, երբ խոսքը վերաբերվում է օրգանիզմում վիտամին D-ի մակարդակի բարձրացմանը: Չնայած երկուսն էլ շատ լավ ներծծվում են արյան մեջ, բայց լյարդը դրանք այլ կերպ է փոխակերպում: Վիտամին D3- ն ավելի արդյունավետ է օրգանիզմում վիտամին D-ի մակարդակի բարելավման համար:
Իսկ վերջում գիտնականներն հիշեցնում են, որ COVID 19-ի կանխարգելման լավագույն միջոցը պատվաստումն է: Իսկ վարակի տարածումը դանդաղեցնելու համար պետք է հետևել հիգիենային, կրել դիմակ և պահպանել ֆիզիկական հեռավորություն։
