«Կապիկի ծաղիկը հանրային առողջապահության ոլորտում միջազգային նշանակության արտակարգ իրավիճակ չէ». ԱՀԿ գլխավոր տնօրեն
2022-07-26Երեկ՝ հուլիսի 25-ին, Առողջապահության համաշխարհային կազմակերպության (ԱՀԿ) գլխավոր տնօրեն Թեդրոս Ադանոմ Գեբրեյեսուսը՝ ընդունելով Միջազգային առողջապահական կանոնների (2005) հարցերով Արտակարգ իրավիճակների հանձնաժողովի անդամների առաջարկությունները՝ մի քանի երկրներում կապիկի ծաղիկի վարակի բռնկման վերաբերյալ, հայտարարել է, որ, տարբեր երկրներում կապիկի ծաղիկ հիվանդության բռնկումը, չի համարում հանրային առողջապահության ոլորտում միջազգային նշանակության արտակարգ իրավիճակ։
Հուլիսի 25-ի դրությամբ աշխարհի 80 երկրում արձանագրվել է կապիկի ծաղկի ավելի քան 17000 դեպք, այդ թվում՝ 5 մահվան դեպք։ Ամենաշատ դեպքերն արձանագրվել են Իսպանիայում, Ամերիկայի Միացյալ Նահանգներում, Գերմանիայում, Մեծ Բրիտանիայում, Ֆրանսիայում:
Նշենք, որ հիվանդության գաղտնի շրջանը սովորաբար տևում է 5-21 օր:
Բնորոշ ախտանշաններն են՝
- Տենդ,
- Սաստիկ գլխացավ,
- Լիմֆատիկ հանգույցների մեծացում,
- Ցավ մեջքի շրջանում,
- Մկանացավ,
- Արտահայտված թուլություն
Տենդի սկզբից 1-3 օր անց ի հայտ է գալիս ցանավորումը, ցանը սկսվում
է դեմքի շրջանից և ապա տարածվում մարմնի տարբեր հատվածներում:
Վարակի փոխանցումը մարդուց մարդ հնարավոր է շնչառական կաթիլների,
կենսաբանական հեղուկների կամ ախտահարված հյուսվածքների հետ երկարատև սերտ շփման արդյունքում։
Հնարավոր է նաև վարակի փոխանցումը օգտագործված սրբիչի և անկողնային պարագաների միջոցով:
Վարակվելու ռիսկը բարձր է այն անձանց շրջանում, ովքեր ֆիզիկական
սերտ շփում ունեն կապիկի ծաղկի ախտաշաններ ունեցող անձանց կամ վարակված կենդանու հետ:
Մարդիկ, ովքեր պատվաստվել են բնական ծաղկի դեմ, որոշակի պաշտպանվածություն ունեն նաև
կապիկի ծաղկի վարակի դեմ:
Հիվանդությունը կարող է ավելի ծանր ընթանալ երեխաների և իմուն համակարգի
խնդիրներ ունեցող անձանց շրջանում: Բուժաշխատողները նույնպես ավելի բարձր ռիսկի են
ենթարկվում վիրուսների ավելի երկար ազդեցության պատճառով:
Ճամփորդելիս անհրաժեշտ է.
- խուսափել հիվանդությանը բնորոշ ախտանշաններ ունեցող անձանց հետ
սերտ շփումից,
- խուսափել հիվանդ մարդկանց կողմից օգտագործվող իրերին (օրինակ՝ հագուստ, անկողնային պարագաներ կամ բժշկական կազմակերպություններում օգտագործվող նյութեր) դիպչելուց,
Դիմե՛ք բժշկական օգնության, եթե նկատում եք նոր, անբացատրելի մաշկային ցան (մարմնի որևէ մասի վերքեր), ջերմությամբ և դողով կամ առանց դրա, և խուսափե՛ք ուրիշների հետ շփումից:
