Մաշկը, լինելով ամենամեծ օրգանը, կատարում է բազմաթիվ գործառույթներ: Դրանցից ամենագլխավորը պաշտպանիչ ֆունկցիան է: Մաշկի համար արտաքին սպառնալիքներից են օդը, ջուրը, բարձր և ցածր ջերմաստիճանը, արևի ճառագայթները, քիմիական և կենցաղային նյութերը, բույսերը և բազմաթիվ միկրոօրգանիզմներ:
Գեղեցիկ ու էսթետիկ մաշկ ունենալու համար պարտադիր է այն պատշաճ խնամել:
Առաջին հերթին մաշկի խնամքի մեջ մտնում է հիգիենան՝
մաշկի մաքրումը: Մաշկի որոշ տեսակների մաքրումը
կատարվում է օճառով, իսկ որոշներինը՝ օճառ չպարունակող միջոցներով:
Կարևոր է նաև մաշկի խոնավեցումը, ինչի համար կան
բազմթիվ միջոցներ:
Գեղեցիկ մաշկի բաղադրիչներից է նաև էլաստիկությունը: Մաշկի էլաստիկությունը պահպանելու համար պետք է չգիրանալ, իսկ գիրացման դեպքում՝ նիհարեք դանդաղ:
Մաշկը նաև յուրօրինակ ցուցիչ է հոգեսոմատիկ խնդիրների
ժամանակ:
Նեվրոզների ժամանակ լինում են նեյրոդերմիտների դրսևորում, դեպերսիաների ժամանակ
առաջանում են սերոզներ, մաշկը չորանում է և թեփոտվում:
Օրինակ, հոնքերի մեջտեղում 2 խորը կնճիռների առկայությունը հիմնականում խոսում
է դեպրեսիաների մասին, որը երկարատև պահպանվում է մաշկի վրա:
Ուստի, մաշկի ճիշտ խնամքի համար խիստ կարևոր է
նաև հանգիստը և որպես ֆիզիկական ու հոգեկան ռեաբիլիտացիա շատ կարևոր է քունը:
Մաշկի խնամքի համար կարևոր է նաև սննդակարգը, հատկապես ջուրը: Ջրի համար
կազմվում է համապատասխան ռեժիմ, հաշվի առնելով տվյալ մարդու տարիքը, առողջական վիճակը,
քաշը: Օրվա առաջին կեսին ջուր ավելի շատ պետք
է խմել:
Օգտագործե՛ք վիտամիններով հարուստ առողջ սնունդ՝
տվյալ սեզոնին համապատասխան միրգ և բանջարեղեն: Ցանկալի է ուտել տարբեր տեսակի աղցաններ
և ապուրներ: Ամռանը, շոգ եղանակին հնարավորինս
սահամանփակե՛ք օգտագործել յուղոտ և չոր սնունդ: Սնունդը օգտագործե՛ք խաշած, շոգեխաշած վիճակում:
Այնպես որ հնարավոր է ունենալ առողջ մաշկ. պարզապես
պետք է օգտագործել միայն առողջ սնունդ, ունենալ
առանց մղձավանջի քուն, խմել անհրաժեշտ չափաքանակի ջուր և օգտագործել մաշկին համապատասխան
խնամքի միջոցներ: