Շատ կարևոր է, որ մարդիկ լինեն տեղեկացված, որովհետև տեղեկատվության բացակայության ժամանակ յուրաքանչյուրն այդ բացը լրացնում է իր երևակայությամբ, և պայմանավորված թե ինչպիսին է իր երևակայությունը, տրամադրությունը, մտածողությունը, այդպիսի ինֆորմացիայով էլ լրացնում է այդ բացը:
Ինչո՞ւ է միևնույն տեղեկատվությունն ընկալվում տարբեր կերպ
Մեզանից յուրաքանչյուրը նույն տեղեկատվությունը
ընկալում է յուրովի, պայմանավորված թե այդ պահին ինչպիսին է տվյալ անձի հոգեվիճակը. եթե անձը ընկճված է, ապա այդ տեղեկատվությունը կարող է էլ ավելի ընկճել նրան, եթե լարված է , ավելի լարել, եթե ոգևորված է, ավելի ոգևորել:
Ցանկացած տեղեկատվության ընկալում հոգեկան պրոցես
է և անմիջականորեն կապված է թե ինչպիսի վիճակում է տվյալ մարդը: Հետևաբար մեզանից յուրաքանչյուրը
լսելով որևէ տեղեկատվություն, նրանից վերցնում է այն ինչ իրեն հոգեհարազատ է և դրանով
էլ առաջնորդվում է:
Սոցիալական ցանցերը սովորական մարդկանց համար դարձել են սեփական հույզերն ու մտածմունքները, ոմանց դեպքում սեփական զառանցանքներն ու դեպրեսիվ տրամադրությունները ուրիշների վրա տարածելու միջոց: Մի մասը դա անում է ինքնաբերաբար, մյուսները՝ դիտավորյալ:
Ինչպե՞ս պետք է վերաբերվել տրամադրվող տեղեկատվությանը
Մեզանից յուրաքանչյուրը պետք է չափազանց ուշադիր լինի նախ իր գրածի նկատմամբ, ինչպես նաև իր գրածի տակ գրվող մեկնաբանությունների: Եթե տեսնում եք ինչ որ տեղեկատվություն, որը ձեզ դուր չի գալիս, կամ հակառակը՝ շատ է դուր գալիս և ուզում ենք վերաբերմունք ցուցաբերել, մեկ պահ կանգա առեք և տեսեք, թե ով է գրողը, ինչից հետո որոշեք արժե գրել, թե՝ ոչ: Այսինքն, մի առաջնորդվեք շատ ուժեղ էմոցիաներով՝ կլինի ատելություն կամ չափազանց մեծ սիրահարվածություն:
Ճգնաժամային իրավիճակում ի՞նչ պետք է անի անհատը
Ցանկացած ճգնաժամային վիճակում՝ կլինի պետության, սփական անձի, ընտանիքի կամ գործի հետ կապված, պետք չէ հուսալքվել և հուսահատվել, այլ պետք է ավելի ոգևորվել և էլ ավելի մեծ էներգիայով ներգրավվել գործի մեջ, որովհետև մարդկանց հիմնական հաջողությունները լինում են այն ժամանակ, երբ իրենք ամենաքիչն էին սպասում դրան և երբեմն լինում է, որ ամենակործանված իրավիճակում մարդը կարողանում է ոտքի կանգնել հենց միայն իր կամքի շնորհիվ: